وەزیری بازرگانی و پیشەسازی: دەمانەوێت پیشەسازی بنیاد بنێن

وەزیری بازرگانی و پیشەسازی رایدەگەیەنێت؛ هەرێمی کوردستان لەسەرەتای قۆناغی گەشەسەندنی پیشەسازیدایە، بۆیە دەمانەوێت بونیادی پیشەسازی بنێین و دیدی ئێمە بەوئامانجەیە و جیاوازە لەدیدی کەسێک بیەوێ قازانج بکات لەڕێگەی پیشەسازییەوە.

ئەمرۆ یەکشەممە (٢٠٢٢/١١/٢٠)، کەمال موسلیم وەزیری بازرگانی و پیشەسازی لە کۆبونەوەیدا لەگەڵ شاندێکی (IFC) کە دامەزراوەیەکی دارایی نێودەوڵەتییە خزمەتگوزاری لە بوارەکانی وەبەرهێنان و ڕاوێژکاری پێشکەش بە کەرتی تایبەت دەکات و سەر بە گرووپی بانکی جیهانییە، بۆ هەڵسەنگاندنی دۆخی پیشەسازی و وەبەرهێنان لەهەرێمی کوردستان و دیاریکردنی ستراتیجی سێکتەرەجیاوازەکان لە کوردستانن.

وەزیری بازرگانی و پیشەسازی، لەگەڵ ئاماژەکردن بە گرنگی هاتنە ناو بازاڕی کاری  ئەم جۆرە ناوەندانەی باسى لە برەودان بە پیشەسازی و پرۆژەی بچوک و مامناوەند و بۆئەوەی بتوانرێت پێداویستییە ناوخۆییەکان پڕبکرێتەوە و پاشان پرۆژەی گەورتر، وتیشی: تا پرۆژە و پیشەسازی بچوک و مام ناوەند پەرەی پێنەدرێت پرۆژەگەورەکان سەرکەوتونابن، ئێمەلەکاتێک دا کەخاوەنی چەندین سەرچاوەی باشین بۆ پیشەسازی کەرەستەی خاو و بەبازاڕکردنی دەتوانین پیشەسازی سێکتەرە جیاوازەکانی تر بکەینە جێگرەوەی پیشەسازی نەوت لەڕێگەیەوە داهات زیاد بکەین و بۆبەهێزکردنی ژێرخانی ئابووری پشتی پێببەستین.

هەروەک ئەوەى خستەڕو کە؛ هەرێمی کوردستان لەسەرەتای قۆناغی گەشەسەندنی پیشەسازیدایە، "بۆیە دەمانەوێت بونیادی پیشەسازی  بنێین و دیدی ئێمە بەوئامانجەیە و جیاوازە لەدیدی کەسێک بیەوێ قازانج بکات لەڕێگەی پیشەسازییەوە".