وەزیرى بازرگانى و پیشەسازى: هەمو ئامادەکارى و هەوڵێکى ئێمە بۆ خزمەتى باشترى برا جوتیارەکانمانە

وەزیرى بازرگانى و پیشەسازى رایدەگەیەنێت؛ پێشبینى دەکەین گەنمى ئەمساڵ لە روى بڕ و جۆرەوە زۆر باش بێت، هەمو ئامادەکارى و هەوڵێکى ئێمەش بۆئەوەیە گەنمى براجوتیارەکانمان بەتەواوى وەربگیرێت و شایستەى داراییان دابین بکرێت.

ئەمڕۆ شەممە، لە شارى هەولێر لەکاتى کردنەوەى دەرگاى سایلۆکان بە روى جوتیاراندا کۆنگرەى هاوبەشى نێوان کەمال موسلیم، وەزیرى بازرگانى و پیشەسازى و د. حەیدەر نورى، بەڕێوەبەری کۆمپانیای بەبازاڕکردنی دانەوێڵەی عێراق بەڕێوەچو، لە کۆنگرەکەدا هەردولا جوتیارانیان دڵنیا کردەوە کە بەرهەمى جوتیاران وەردەگیرێت و کێشەش لە وەرگرتنى چەکى پارەکانیاندا دروست نابێت.

لە کۆنگرەکەدا کەمال موسلیم، وەزیرى بازرگانى و پیشەسازى حکومەتى هەرێمى کوردستان رایگەیاند کە  پێشبینى دەکەن لەڕوى بڕ و کوالێتییەوە گەنمى ئەمساڵ لە روى بڕ و جۆرەوە زۆر باش بێت و وتى: یەکەم نمونە کە ئەمڕۆ وەرگیراوە زۆر باش بو".
وتیشى: ئەمساڵ ئەوەى جیاوازە ئەوەیە کە لە ئێستاوە بڕێک پارە هاتوەتە سەر حسابى وەزارەتى بازرگانى و پیشەسازى و ئەوانەى ئەمڕۆ گەنم رادەست دەکەن هەر ئەمڕۆ چەکى بانکیان دەدەینێ و ئەوانى دیکەش کە گەنمیان لێوەردەگیرێت هەوڵ دەدەین لە کەمترین ماوەدا چەکى بانکیان بدەینێ و شایستەى دارایی خۆیان وەربگرن ناهێڵین ئەو ماوەیە لە دو هەفتە تێپەڕ بکات، هەمو ئامادەکارى و هەوڵێکى ئێمە بۆ خزمەتى باشترى برا جوتیارەکانمانە.


لەبارەى دیاریکردنى (375) هەزار تەن بۆ وەرگرتنى گەنمى جوتیارانى هەرێمى کوردستان، کەمال موسلیم وتى: ئەو بڕەى دیارکراوە بە خەمڵاندن بوە، بەڵام لە چوارچێوەى وەرگرتنى گەنمدا ئەگەر دەرکەوت بڕى بەرهەمهێنراوە زیاتربوە ئەوا لیژنەى تایبەتمەند کۆدەبێتەوە و بڕیاردەدرێت بڕى وەرگرتنى گەنم زیاتر بێت تا ئاستى وەرگرتنى هەمو گەنمى جوتیاران
هۆکارى دواخستنى وەرگرتنى گەنمى جوتیارانیشى بۆ ئەمڕۆ ئاشکرا کرد و وتى: بەهۆى کۆمەڵێک کێشەوە نەتوانرا رۆژى پێنجشەممە دەرگاى سایلۆکان بکرێنەوە بۆیە دواخرا بۆ ئەمڕۆ، ئەوەى ئەمساڵ جیاوازە ئەوەیە لە ئێستاوە بڕێک پارە خراوەتە سەر حسابى وەزارەتى بازرگانى لە هەولێر و دهۆک و سلێمانى و بە نیازین هەر ئەمڕۆ ئەوانەى گەنمەکە رادەست دەکەن چەکى پارەکان بدەینێ و ئەوانی تریش ".