قوباد تاڵەبانی پرسەنامەیەک ئاراستەی نەوشیروان مستەفا دەکات
قوباد تاڵەبانی، جێگری سەرۆکی حکومەتی هەرێم پرسەنامەیەک ئاراستەی نەوشیروان مستەفا دەکات، بەبۆنەی کۆچی دوایی شوعلە عەلی هاوسەرییەوە.

دەقی پرسەنامەکە
بەڕێز کاک نەوشیروان مستەفا
‌بەڕێزان خانەوادە تێكۆشه‌رەکەی خاتو شوعلە عەلی

 زۆر به‌داخه‌وه‌ هه‌واڵی كۆچی دوایی خاتو "شوعلە عەلی" مان پێگەیشت، بەم بۆنە خەمناکەوە پرسه‌ و ماته‌مینیی خۆمان ئاڕاستەی به‌ڕێزتان ودۆست و ئازیزانی كۆچكردو دەكەین.

خوالێخۆشبو خاتو شوعلە سەرباری ئەوەی هاوژینی کەسایەتیەکی تێکۆشەر بو، خۆشی وەک پێشمەرگەیەکی دێرین شانبەشانی کاک نەوشیروان، لەشاخ و لەشار، ژیانی بۆ خەبات و تێکۆشان لە پێناو گەلی کوردستان تەرخان کردبو،  هەمیشە بەرزە هیوای ئەو  بەدی هێنانی مافە ڕەواکانی گه‌لی كوردستان بوە.

له‌په‌روه‌ردگاری مەزنمان داوایه‌ گیانی کۆچکردو به‌ به‌هه‌شتی بەرین شاد بكات، سه‌بوریی و دڵنه‌واییش به‌ هه‌مو لایه‌ك ببه‌خشێت و ئه‌وه‌ دوایین  ناخۆشیتان بێت.
انا للە و انا الیە راجعون
 قوباد تاڵەبانی
جێگری سەرۆك وەزیران
18/03/2017
زیاتر...
هیچ بابەتێک به‌رده‌ست نیه‌ .