د.شۆڕش حاجی، نابێت هاوڵاتیان له‌سه‌ر هه‌ڵه‌ی‌ سه‌ركرده‌ سیاسییه‌كان سزابدرێن

د.شۆڕش حاجی رایدەگەیەنێت؛ نابێت هاوڵاتیان له‌سه‌ر هه‌ڵه‌ی‌ سه‌ركرده‌ سیاسییه‌كان سزابدرێن و جەختیش دەکاتەوە لەوەی کە پێویسته‌ ده‌ستور مه‌رجه‌عی لایه‌نه‌ عێراقییه‌كان بێت.

د.شۆرش حاجی ئه‌ندامی خانه‌ی راپه‌ڕاندنی بزوتنه‌وه‌ی گۆڕان له‌ وتارێكدا كه‌ له‌میانی كردنه‌وه‌ی باره‌گای ره‌وتی حیكمه‌ له‌ سلێمانی پێشكه‌شیكرد وتی ” ئه‌و خاڵانه‌ی كۆمانده‌كه‌نه‌وه‌ زیاترن له‌و خاڵانه‌ی له‌یه‌كتر دامان ده‌بڕێت، بۆیە هیوادارین ئه‌و ده‌رفه‌ته‌ به‌كاربهێندرێت بۆ زیادكردنی دیدار و گفتوگۆكان و ئه‌وه‌ش به‌مه‌به‌ستی چه‌سپاندنی هاوبه‌شی راسته‌قینه‌ له‌نێوان گه‌له‌كانماندا و ته‌واوی پێكهاته‌كانی عێراق و كاركردن بۆ به‌رچه‌رچدانه‌وه‌ی ئه‌و شتانه‌ی لێره‌و له‌وێ ڕوده‌ده‌ن له‌رێگه‌ی گفتوگۆ به‌پێی ده‌ستور كه‌ ئێمه‌ به‌یه‌كه‌وه‌ دامانرشتوه‌”.

ئاماژەی بەوەشکرد، نابێت هاوڵاتیان له‌سه‌ر هه‌ڵه‌ی‌ سه‌كرده‌ سیاسیه‌كان سزابدرێن و پێویسته‌ ده‌ستوری عێراق مه‌رجه‌عی لایه‌نه‌ عێراقییه‌كان بێت بۆ چاره‌سه‌ری تەواوی كێشه‌كان.

21/01/2018
زیاتر...
هیچ بابەتێک به‌رده‌ست نیه‌ .