سلێمانی؛ یادی شەهیدانی (17)ی شوبات و رۆژانی دواتر بەڕێوەچو

ئەمڕۆ شەممە بە بەشداری ژەمارەیەکی زۆر لە هاوڵاتیان و کەسوکاری شەهیدان یادی شەهیدانی خۆپیشاندانەکانی (17)ی شوبات و رۆژانی دواتر کرایەوە.

سەعات (3)ی پاشنیوەڕۆ لە هۆڵی رۆشنبیری سلێمانی، لەلایەن بنەماڵەی شەهیدان و رێکخراوی (17)ی شوباتەوە یادی حەوت ساڵەی شەهیدانی خۆپیشاندانەکانی (17)ی شوبات و رۆژانی دواتر کرایەوە.

لەوتاری دەستپێکیشدا زاھیر محەمەد، باوکی شەهید سورکێو و سەرۆکی رێکخراوی (17)ی شوبات رایگەیاند؛ “یەکێتی و پارتی بەرپرسن لە دەستگیرکردنی تەقەکەرەکان و هەروەها نیگەرانی بنەماڵەی شەهیدانیشان دەربری لەوەی یەکێک لەو بەرپرسانەی کە تەقەی لە خۆپیشاندەران کردوە، ئێستا لەلایەن یەکێتییەوە پۆستی پێدراوە”.

هاوکات د. شۆڕش حاجی، ئەندامی خانەی راپەڕاندنی بزوتنەوەی گۆڕان رایگەیاند؛ دەسەڵاتی شکستخواردی هەرێم لە وەڵامی داواکاری خۆپیشاندەراندا، کە داوای ئازادی و دادپەروەرییان دەکرد، بە فیشەک وەڵامیان دانەوە و گەنجان و هاوڵاتی ئەم وڵاتەیان شەهیدکرد.

لەکۆتایشدا لەلایەن رێکخراوی (17)ی شوباتەوە خەڵاتی شەھیدان بەسەر کەسوکاری شەھیدان و رۆژنامەنوسان و چالاکانی مەدەن دابەشکرا.

 

 

19/02/2018
زیاتر...
هیچ بابەتێک به‌رده‌ست نیه‌ .