عومەر سەید عەلی: هاوڵاتیان پێویستە بەدەنگەكانیان سزای یەكێتی وپارتی بدەن
عومەر سەید عەلی، رێکخەری گشتی بزوتنەوەی گۆڕان رایدەگەیەنێت؛ لەبری خزمەتکردن و پاداشت، یەکێتی و پارتی پشتیانکرد گوندنشینان و خاوەن پێداویستییە تایبەتەکان و زیندانیانی سیاسی و سزای میللەتیان دا، بۆیە هاوڵاتیان پێویستە بەدەنگەكانیان سزای ئەو دو حیزبە بدەن.

لەكۆبونەوەیەكیدا لەگەڵ هەڵسوراوانی بزوتنەوەی گۆڕان لەناحیەی عەربەت، عومەر سەید عەلی، رێكخەری گشتی بزوتنەوەی گۆڕان رایگەیاند؛ گوندنشینان و خاوەن پێداویستییە تایبەتەکان و زیندانیان سیاسی پاڵپشتی سەرخستنی شۆڕش بون، بەڵام یەكێتی وپارتی پشتیانتێكردن وەك پێویست خزمەتیان نەكردن.

وتیشی: یەکێتی و پارتی لەبری ئەوەی پاداشتی میللەت بدەنەوە، سزای میللەتیان دا، لەم هەڵبژاردنەش كاتی ئەوەیە میللەت بە دەنگەکانیان سزای ئەو دو حیزبە بدەن.

رێكخەری گشتی گۆڕان داوای لە هاوڵاتیان کرد، رۆژی (12)ی ئایار بچنە سەرسندوقەكانی دەنگدان بۆئەوەی دەسەڵات نەتوانێیت فێڵیان لێ‌ بكات.

هەروەها بەپێویستیشی زانی ژنان رۆڵی كاریگەریان هەبێت لەگۆرانكاریەكان و بچنەسەر سندوقەكانی دەنگدان، بەگەشبینیشەوە وتی: ئەو دەسكەوت سەرکەوتنانەی لەهەڵبژاردنەكانی پێشو بەدەستهێنراوە، لەم هەڵبژاردنەش مەڵۆیەكی تری دەخەینە سەر.

07/05/2018
زیاتر...
هیچ بابەتێک به‌رده‌ست نیه‌ .