‎راگەیەنراوی كۆبونەوەی شەش لایەنەكە لە سەر ئاستی سلێمانی

شه‌ش لایه‌نه‌كه‌ له‌ راگه‌یه‌ندراوێكدا رایده‌گه‌یه‌نن، سه‌رله‌به‌ری‌ ئه‌نجامه‌كانی‌ هه‌ڵبژاردنمان ره‌تكرده‌وه‌ و داكۆكیكار و پارێزه‌ری‌ ده‌نگی‌ خه‌ڵك بووین و هه‌وڵه‌كانمان سه‌ر ئه‌نجام سه‌ركه‌وتنی‌ به‌ ده‌ستهێنا.

له‌ راگه‌یه‌‌ندراوی شه‌ش لایه‌نه‌كه‌دا هاتووه‌: "له‌ روانگه‌ی‌ ئه‌وه‌ی‌ خۆمان به‌ پارێزه‌ری‌ یاساو ده‌نگی‌ خه‌ڵك ده‌زانین، رێز له‌ بڕیاره‌كانی‌ دادگای‌ فیدڕاڵ ده‌گرین".

ده‌شڵێن: "رێز له‌ بڕیاره‌كه‌ی‌ دادگا ده‌گرین، سه‌باره‌ت به‌ بژاردنه‌وه‌ی‌ ده‌نگی‌ هێزه‌كانی‌ پێشمه‌رگه‌ و ناوخۆ و تاراوگه‌و ئاواره‌كان".

ده‌قی راگه‌یه‌ندراوه‌كه‌:
دوا بەدوای ڕاگەیاندنی ئەنجامی هەڵپژاردنەکان ۱۲ی ٥ و دەرکەوتنی گزیکاری، ساختەکاری و دزینی دەنگی خەڵک، ئێمە لە شەش لایەنی گۆڕان، یەکگرتوو، هاوپەیمانی، کۆمەڵ، شیوعی و بزوونتنەوەی ئیسلامی سەرلەبەری ئەنجامەکانمان ڕەتکردۆتەوە و داکۆکیکار و پارێزەری دەنگی خەڵک بووین و هەوڵەکانمان سەرەنجام سەرکەوتنی بەدەستهێنا و گەیشتە هەمووارکردنەوەی یاسای (٤٥)ی ۲۰۱۳ و بڕیاری دادگەی فیدڕاڵی عێراق و بە شەرعی ناساندنی هەمووارەکە و بژاردنەوەی تەواوی دەنگەکان بە دەست.

 

لە ڕووانگەی ئەوەی کە خۆمان بە پارێزەری یاسا و دەنگی خەڵک دەزانین، ڕێز لە بڕیاری دادگەی فیدڕاڵی دەکەین بە بڕیاری بژاردنەوەی دەنگی هێزی پێشمەرگە و هێزەکانی ناوخۆ و تاراوگە و ئاوارەکانیشەوە، بۆ ڕێزگرتنیش لە بڕیاری دادگەی فیدڕاڵی عێڕاق و هەمووارکردنەوەی یاسای (٤٥)ی ۲۰۱۳، ئێمە چاودێری بژاردنەوەی دەستی دەنگەکای دەنگدەران دەکەین لە کاتێکدا بە ڕای گشتی و خەڵکی کوردستان ڕادەگەیەنین کە سندوقەکانی دەنگدان لە ماوەی ڕابووردوو دا وەک پێویست لە ژێر چاودێری بریکارەکانی ئێمەدا نەبوون بە هۆکاری ڕێگری لە بریکارەکان و هەڵکەوتە و چۆنیەتی هەڵگرتنی سندوق و کەرەستەکانی دەنگدان.

 

لە کۆتاییدا ئومێد دەکەین ئەو دادوەرە بەڕێزانەی کە بڕیارە سەرپەرشتی کارەکانی کۆمیسیۆن بکەن بێ لایەنانە کارەکانیان ئەنجام بدەن و ئەو ڕێگریانەی هەتا ئێستا هەبووە لە چاودێریکردنی ووردی پڕۆسەکە نەهێڵدرێن و ڕێکارەکانی تایبەت بە ئەژمارکردنەوەی دەستی دەنگەکان وەک خۆی جێبەجێبکرێن.

(بزووتنەوەی گۆڕان، یەکگرتووی ئیسلامی کوردستان، هاوپەیمانی دیموکراسی و داپەروەری، کۆمەڵی ئیسلامی کوردستان، حزبی شیوعی کوردستان، بزووتنەوەی ئیسلامی کوردستان).
22/06/2018
زیاتر...
هیچ بابەتێک به‌رده‌ست نیه‌ .