وێنە..سەرۆکایەتی یەکێتی سەردانی ئارامگەی نەوشیروان مستەفای کرد
19/05/2020
هەواڵ و چالاکی
لاهور شێخ جەنگی هاوسەرۆکی یەکێتی نیشتیمانی کوردستان،
لەگەڵ ژمارەیەک لە ئەندامانی مەکتەبی سیاسی یەکێتی سەردانی ئارامگەی نەشیروان
مستەفای کرد و تاجە گوڵینەیان لەسەر ئارامگەکەی ڕەوانشاد نەوشیروان مستەفا دانا.
ئەمە لە کاتێکدایە بەیانی ئەمڕۆ سەرۆکایەتی
یەکێتی نیشتیمانی کوردستان لە ساڵیادی کۆچی دوایی نەوشیروان مستەفادا پەیامێکی
بڵاوکردوە و ڕایگەیاند، لهم یادهدا سەری رێز و وەفا بۆ هزر و خهبات و قەڵەمی
نیشتمانپەروەرێك دادەنەوێنین، کە بەدەم رێگای سهخت و دووری تێكۆشانهوه، گوڵچنی
كولتوور و ئەدەب و مێژووی شۆڕشی کوردستانی کردووە.
ئەمڕۆ سێ ساڵ
بەسەر کۆچی دوایی رەوانشاد نەوشیروان مستەفا ئەمین رێکخەری پێشووی بزوتنەوەی گۆڕان
تێدەپەڕێت، نەوشیروان مستەفا لە رۆژی 22 ی 12 ی 1944 لە
گەڕەکی سەرشەقامی شاری سلێمانی لە دایکبووە و لە تەمەنی 73 ساڵیدا کۆچی دوایکرد.
سلێمانی- بڕیار نامیق