پرسەنامەی بزوتنەوەی گۆڕان بۆ کۆچی دوایی د.کەمال مەزھەر

کۆمەڵایەتی

بەداخ و پەژارەیەکی زۆرەوە، ھەواڵی کۆچی دوایی د.کەمال مەزهەر ئەکادیمیست و مێژونوس و لێکۆڵەری گەورەی کوردمان پێگەیشت.

بۆ بۆنەیەکی وەھا خەمناک، سەرەخۆشی قوڵی خۆمان بە خێزان و کەسوکاری خوالێخۆشبو و، نوسەران و ئەدیبانی کورد و ھاوڕێیانی د.کەمال دەگەیەنین.

دکتۆر کەمال مەزھەر، رۆڵێکی یەکجار کاریگەر و دیاری لە کایەی نوسین و رونکردنەوەی لایەنە مێژوییەکان و خزمەتکردن بە دۆزی رەوای گەلی کورد لەرێی کۆششە ئەکادیمی و زانستیەکان بینیوە.

ھەربۆیە، بەرھەم و نوسین و خزمەتەکانی بەرز دەنرخێنین و یادەوەری بەرز رادەگرین. داواکاریشین لە خوای گەورە رۆحی نوسەری کۆچکردو شاد بێت و سەبوری بە دڵی کەسوکاری بگات.

انا للە وانا الیە راجعون

بزوتنەوەی گۆڕان
١٦ی ٣ی ٢٠٢١