بزوتنەوەی گۆڕان پەیامێک ئاڕاستەی ئێزدییەکان دەکات

13/04/2021

ڕاگەیەندراوی فەرمی

 

پەیامی بزوتنەوەی گۆڕان
بۆ جەژنی چوارشەمی سوری ئێزدییەکان

به‌بۆنه‌ی‌ هاتنه‌وه‌ی‌ جه‌ژنی‌ (چوارشه‌ممه‌ سور) و سەری ساڵی ئێزدییەکان، به‌ گه‌رمی‌ پیرۆزبایی‌ له‌ برا ئێزدییه‌كانمان ده‌كه‌ین. ھیوادارین ئەم جەژنە ھاوکاتی گەڕانەوەی ئاشتی و ئۆقرەیی و سەقامگیری بێ بۆ شەنگال و کۆتایی نەھامەتیەکان بێت.

‎به‌داخه‌وه‌، له‌ كاتێكدا ئێزدییەکان سروتەکانی ئەم جەژنە دەگێڕن، شه‌نگالی‌ بریندار،‌ بوه‌ته‌ چه‌قی‌ ململانێیه‌كی‌ توندی هه‌رێمی‌ و نێوده‌وڵه‌تی‌ لەلایەک و وشکەساڵیش تەنگی بە خەڵکی ئەو ناوچەیە ھەڵچنیوە.

‎داواكارین یه‌زدانی‌ مه‌زن، لە‌م جه‌ژنه‌دا‌ خێر و خۆشی‌ بۆ برا ئێزدییه‌كانمان بگێڕێته‌وه‌ و،‌ كێشه‌ی‌ شه‌نگال و سه‌رجه‌م ناوچه‌ كێشه‌له‌سه‌ره‌كان به‌ گفتوگۆ چاره‌سه‌ر بكرێت، ھاوکاتیش ئاگری‌ شه‌ڕ له‌ برا ئێزدییه‌كانمان دور بخرێته‌وه‌ كه‌‌ تائێستاش ژمارەیەکی‌ زۆریان ژیان ئاواره‌یدا له‌ كه‌مپه‌كاندا به‌سه‌ر ده‌به‌ن.

بزوتنەوەی گۆڕان
١٣ی ٤ی ٢٠٢١


هەواڵی زیاتر