بزوتنەوەی گۆڕان و کونسوڵی ئەڵمانیا جەخت لە یەکخستنەوەی هێزەکانی پێشمەرگە دەکەنەوە

هەواڵ و چالاکی

بزوتنەوەی گۆڕان و کۆنسوڵی گشتی ئەڵمانیا جەخت لە چارەسەرکردنی کێشەکانی نێوان هەرێم و بەغدا و یەکخستنەوەی هێزی پێشمەرگەی کوردستان دەکەن.

کلاوس دیتەر شترایشەر، کۆنسوڵی گشتی ئەڵمانیا لە هەولێر سەردانی مەکۆی سەرەکی بزوتنەوەی گۆڕانی کرد لە شاری سلێمانی و لەلایەن عومەر سەید عەلی و رێکخەر و ئەندامانی ژوری پەیوەندییە دیپلۆماسییەکان پێشوازی لێکرا و
لە کۆبونەوەکەدا جەخت کرایەوە لەسەر چارەسەرکردنی کێشەکانی نێوان هەرێم و بەغدا، باس لەوەشکرا کە پێویستە هێز و لایەنە سیاسییەکان بە بەرپرسیارێتییەوە روبەڕوی ئەم دۆخە ببنەوە.

هەر لە کۆبونەوەکەدا تێڕوانینى بزوتنەوەى گۆڕان بۆ یەکخستنەوەی هێزەکانی پێشمەرگە و بە دامەزراوەییەکردن و پێویستى ئەنجامدانى چاکسازى ریشەیی دوپاتکرایەوە و لاى خۆیەوە، کۆنسوڵی ئەڵمانیا جەختی کردوە کە کۆمەڵگەی نێودەوڵەتی پشتیوانی هەرێم دەکات بۆ چاکسازیی، بەڵام خەریکە ئەو پشو درێژییە کۆتایی دێت، بەتایبەت لە پرسی یەکخستنەوەی هێزی پێشمەرگەی کوردستان.