قوباد تاڵەبانی: کاکە نەوە خاوەن بیرێکی دەگمەن بو

19/05/2023

هەواڵ و چالاکی

جێگری سەرۆکی حکومەتی هەرێمی کوردستان لە ساڵیادی کۆچی دوایی رەوانشدا نەوشیروان مستەفا، رێبەری نیو سەدە لە خەباتی گەلی کورد پەیامێکی بڵاوکردەوە و رایدەگەیەنێت؛  کاکە نەوە خاوەن بیرێکی دەگمەن بو، هەموان شایەتی ئەوە دەدەن کە هەوڵ و تێکۆشانەکانی کاک نەوشیروان، تەنها لەپێناو کورد و کوردستاندا بو.

 

دەقى راگەیەندراوەکە:
لەساڵیادی کۆچی کاکە نەوەدا

کاک نەوشیروان، ناوێکی هەمیشە زیندو و سیاسییەکی دەگمەن لە مێژوی گەلی کورددا، ئەو لە یەک کاتدا لە چەندین کایەی جیاوازدا دیار و هەڵکەوتو بوە. هەم لە بوارە مەیدانییەکەی سیاسەتدا؛ کەسێکی بەتواناو شارەزا بو، هەم لە بواری تیۆرییشدا؛ لێهاتو و خاوەن بیرێکی دەگمەن بو. خوێندەوار و رۆشنبیر، ئازا و چاونەترس بو.

هەموان شایەتی ئەوە دەدەن کە؛ هەوڵ و تێکۆشانەکانی کاک نەوشیروان، تەنها لەپێناو کورد و کوردستاندا بو. بۆیە هەر کوردێک لە هەر شوێنێک بێت و لەسەر هەر بیروباوەڕێک و ئایدۆلۆژیایەک بێت، کاکە نەوە لەیاد ناکات. هەمو کات ناوی لە مێژوی نەتەوەکەماندا، درەوشاوەیە.

قوباد تاڵەبانی
جێگری سەرۆکی حکومەتی هەرێمی کوردستان


هەواڵی زیاتر