نوێنەرى پەیەدە: نەبونى کەسایەتییەکى وەک رەوانشاد نەوشیروان مستەفا لەم دۆخەى ئێستاى هەر چوار پارچەى کوردستان لێکەوتەکانى دیار و بەرچاوە
22/05/2023
هەواڵ و چالاکی
ئەمڕۆ دوشەممە (22/5/2023) شاندێکى رۆژئاواى کوردستان بە سەرۆکایەتى
د. جاویدان کەمال نوێنەرى پارتى یەکێتى دیموکراتى سوریا (پەیەدە) لە هەرێمى
کوردستان، لە شەشەم ساڵیادى کۆچى دوایی رەوانشاد نەوشیروان مستەفا سەردانى ئارامگەکەیان
کرد و تاجە گوڵینەى رێز و وەفایان لەسەر ئارامگەکەی دانا.
نوێنەرى پارتى یەکێتى دیموکرات لە هەرێمى کوردستان
رایگەیاند: ئەم سەردانە بۆ رێزلێنان و بیرهێنانەوەى کاک نەوشیروانە وەک روناکبیر و
سیاسەتمەتەدارى گەلى کورد کە رۆڵێکى کاریگەر و زۆرى هەبو لە جوڵانەوەى گەلى کورد.
وتیشى: نەبونى کەسایەتى کاریگەرى وەک کاک نەوشیروان لەسەر
گۆڕەپانى سیاسى لێکەوتەکانى دیار و بەرچاوە بەتایبەت لەم دۆخەدا ئەگەر ئەوان لە
گۆڕەپانەکەدا بونایە دۆخەکە جۆرێکى دیکە دەبو، بۆیە مەبەستیشمانە لەم سەردانەدا
جەخت لە پێویستى بەهێزکردنى زیاترى پەیوەندییەکانمان لەگەڵ بزوتنەوەى گۆڕان بکەینەوە
و بۆ بەدى هێنانى مافى گەلى خۆمان و "دەبێت بگەڕێینەوە بۆ ئەم فکر و بۆچونانە
لەپێناو لێکنزیکبونەوە و داکۆکى لە مافى گەلى کورد".