سەرۆکی فراکسیۆنی گۆڕان هۆشداری لەبارەی ژینگە و ئاوی قەزای دوکان دەدات

سەرۆکی فراکسیۆنی گۆڕان لە ئەنجومەنی پارێزگای سێمانی، ڕایدەگەیەنێت: دۆخی ژینگەی دوکان و دەوروبەری خراپەو وابڕیارە لە ئایندەیەکی نزیکدا  گرفتی نەبوونی  شوێنی فڕێدانی خۆڵ و خاشاک و پیسبوونی ژینگە و ئاوی دوکان چارەسەر بکرێت.

ڕێبوار ئەحمەد سەرۆکی فراکسیۆنی گۆڕان لە ئەنجومەنی پارێزگای سێمانی، دەڵێت: ئێمە لە هەردوو لیژنەی خزمەتگوزری شارەوانی و تەندروستی وژینگەی ئەنجومەنی پارێزگای سلێمانی،  بۆ  بەدواداچوونی گرفتی نەبوونی  شوێنی فڕێدانی خۆڵ و خاشاک و پیسبوونی ژینگە و ئاوی دوکان، سەردانی مەیدانی شوێنی فڕێدان و  داپۆ شینی خاشاکی  گوندەکان و ٦ شارەوانی سنورەکانی تاسلوجەو پیرەمەگرون و سورداش و دوکانمان کرد.

 سەبارت بە چارەسەری کێشەکە سەرۆکی فراکسیۆنی گۆڕان دەڵێت: لە ماوەی داهاتوو گرفتەکە چارسەر دەبێت  بەهاوکاری وهیمەتی لایەنەپەیوەندارەکان  و خەڵکی دڵسۆزی سنوورەکە.