کۆبونەوەی ئاسایی بازنەی دەباشانی بزوتنەوەی گۆڕان بەڕێوەچوو
09/04/2021
هەڵسوڕاوانی ڕێکخستنەکانی بزوتنەوەی گۆڕان، پشتیوانی خۆیان بۆ هەوڵەکانی بزوتنەوەی گۆڕان لە ئەنجامدانی چاکسازی و باشکردنی دۆخی ئابوری و بوژاندنوەی بازاڕ، دوپاتدەکەنەوە.
بەسەرپەرشتی بەهادین ئەحمەد باژێڕوانی سلێمانی و ئاسۆ ڕەحیم سکرتێری کاروباری باژێڕەکان و شێخ کامیل قادر سکرتێری جڤاتی نیشتیمانی، ڕۆژی پێنج شەممە، کۆبونەوەی ئاسایی مانگانەی بازنەی دەباشانی بزوتنەوەی گۆڕان بەڕێوەچوو.
لە کۆبونەوەکەدا ئەنجامدانی هەڵبژاردنی ناوخۆیی و بەستنی کۆنفڕانسی نیشتیمانی، گفتوگۆی لەبارەوە کراو بەشداربوان ئامادەییان پیشاندا بۆ سەرخستنی ئەو پرۆسەیە.
سەبارەت بە هەوڵەکانی بزوتنەوەی گۆڕان ئامادەبوان پشتیوانیان بۆ هەوڵەکانی بزوتنەوەی گۆڕان دوپاکردوە کە دەچنە خزمەت چاکەی گشتیەوە.