"پەرۆشی ئیرادەی بزوتنەوەی گۆڕان لە لوتکەیە بۆ ئاشتەوایی"

ژوری رەوەندی کوردی کۆبونەوەیەک بۆ د.کتۆر بورهان یاسین و هەڵسوڕاوانى گۆڕان لە رەوەندى کوردى رێکدەخات سەبارەت بە پرۆژەی ئاشتەوایی لەناو بزوتنەوەی گۆڕاندا.

فوئاد جەمال، سەرپەرشتیاری ژووری رەوەندی کوردی لە سەرەتاى کۆبونەوەکەدا ئاماژەى بە دوایین گۆڕانکارییەکان و هەوڵەکانى د. بورهان یاسین کرد سەبارەت بە ئاشتەوایی و رێکخستنەوەى نێوماڵى بزوتنەوەى گۆڕان.

لاى خۆیەوە د. بورهان یاسین بە وردی باسی لە پڕۆژەکەی و گفتوگۆی هەمەلایەنەی لەگەڵ سەرجەم کارەکتەرە سیاسیە سەرەکیەکانی ناو پرۆژەی ئاشتەوای کرد و گەشبینى خۆى نیشاندا بەوەی هه نگاوی باش نراوە و لەئایندەیەکی نزیکدا دەرەنجامی هەوڵ و ماندوبوونەکان دەردەکەوێت و رایگەیاند: پەرۆشی ئیرادەی بزوتنەوەی گۆران لە لوتکەدایە بۆ ئاشتەوایی.

هاوکات گۆڕانخوازانی بەشداربو سەرنج بۆچون و پرسیارەکانیان خستەڕو، پشتیوانی خۆشیان بۆ پرۆژەی ئاشتەوایی دوپاتکردەوە.