ژورى رەوەندى کوردى سیمینارێک لەبارەى یادی (١٠٠) ساڵەی پەیماننامەی لۆزان رێکدەخات

ژووری رەوەندی کوردی بزوتنەوەى گۆڕان سیمینارێک سەبارەت بە یادی (١٠٠) ساڵەی پەیماننامەی لۆزان بۆ هەریەک لە هاوسەرۆکی کۆنگرەی نەتەوەیی کوردستان و سەرۆکی کۆنگرەی کۆمەڵگەی دیموکراتی کورد رێکخست.

لەو سیمینارەدا کە بە بەشدارى ژمارەیەکی بەرچاو لە هەڵسوڕاوان و خەمخۆرانی دۆزی کورد لە دەرەوە و ناوەوەی کوردستان لە وێبناری زووم  بەڕێوەچو، سه‌ره‌تا ئه‌حمه‌د قه‌ره‌موس باسێکى سەبارەت بە لایەنە ‌سیاسیی و مێژووییه‌که‌ی رێککەوتننامەى لۆزان و لێکه‌وتە و کاریگه‌رییه‌‌کانی و که‌مه ‌نه‌ته‌وایه‌تیه‌کانی ناو تورکیا به‌ گشتی و کورد به‌تایبه‌تی کرد، لاى خۆیەوە یوکسه‌ل کۆچ سه‌رۆکی کۆمه‌ڵگه‌ی دیموکراتی کورد له‌ ئه‌وروپا باسێکی له‌سه‌ر رێکه‌وتنه‌‌که‌ و ئاماده‌کاریی و چالاکییه‌کانی کورد له‌ ڕابردوو و ئێستا و (٢٢ و ٢٣)ی مانگی تەمەزى داهاتوو کرد و کە ساڵیادى واژۆکردنى رێککەوتنەکەیە، دواتر نوێنه‌ری گۆڕان له کۆمیته‌ی ئاماده‌کاریی چالاکییه‌کانی یادی سه‌د ساڵه‌ی لۆزان به‌ کورتی باسی له‌ ئاماده‌کارییه‌کان بۆ یادی سه‌د ساڵه‌ کرد.

لاى خۆیانەوە بەشداربوان بە پرسیار و سەرنج و تێبینییەکانیان گفتوگۆى پرسەکانیان کر و بیر و بۆچون لەبارەیانەوە ئاڵوگۆڕکران و جەخت لەوەکرایەوە چ لەسەر ئاستى تاک چ هێز و لایەنە سیاسییەکان و رێکخراوەکان و چالاکوانان بەشدارى یادى سەد ساڵەى پەیماننامەى لۆزان بککەن بەوپێیەى مژارێکی نیشتمانی و نه‌ته‌وایه‌تی گرنگه‌، بڕیاریشە ژورى رەوەندى کوردى درێژە بە زنجیرە سیمینارەکانى بدات و هەر هەفتەیەى کەسایەتیەک کورد بانگهێشت دەکرێت بۆ گفتوگۆکردن لەسەر گۆشەیەکی پەیماننامەی لۆزان.