ژورى رەوەندى کوردى سیمینارێک بۆ د. شایان جاف رێکدەخات

ژورى رەوەندى کوردى بزوتنەوەى گۆڕان سیمینارێک بە ناوى (په‌یمانی لۆزان، ئه‌زمونێکی مرۆڤایه‌تی هه‌ڵه‌یە، ده‌بێت ڕاست بکرێته‌وه‌) بۆ د. شایان جاف رێکدەخات .

له‌چوارچێوه‌ی ئه‌و زنجیره‌ کۆڕ و سیمینارانه‌‌ی ژوری ره‌وه‌ندی کوردی بزوتنەوەى گۆڕان له‌یادی (100) ساڵه‌ی پەیمانى لۆزاندا هەفتانە بۆ که‌سایه‌تییه‌ ئه‌کادیمییه‌ مێژوناس و سیاسییه‌کان سازی ده‌کات، به‌ ناونیشانی (په‌یمانی لۆزان، ئه‌زمونێکی مرۆڤایه‌تی هه‌ڵه‌یە، ده‌بێت ڕاست بکرێته‌وه‌) سیمینارێکى بە بەشدارى ژمارەیەک لە گۆڕانخوازان و خەمخۆرانى دۆزى کورد بۆ د. شایان جاف نوسه‌ر و مێژووناس رێکخست.

د. شایان به‌ وردى تیشکى خستە سەر ناوەڕۆکى بابه‌ته‌که‌ و هەڵەکان و پێویستى راستکردنەوەیانى رونکردەوە، لاى خۆیانەوە ئاماده‌بووان به‌ پرسیار و تێبنی و سه‌رنجه‌کانیان به‌شدار بون.

بڕیارە هەفتەى داهاتو رۆژی شه‌ممه‌ (٣/٦/٢٠٢٣) له‌ سەعات (8:00) به‌کاتی بەریتانیا و (9:00) بەکاتی ناوه‌ندى ئه‌وروپا و (10:00) به ‌کاتی باشوری کوردستان له‌ سه‌ر وێنباری زووم، عوسمان بایدەمیر سیاسەتمەداری ناوداری باکورى کوردستان به‌ بابەتێک بەناوی (پەیمانی لۆزان و کاریگەری لەسەر کورد و رۆژھەڵاتی ناوەڕاست) بەشدارى زنجیرە سیمینارەکەى ژورى رەوەند بکات.