چۆمان محەمەد: ماوەى (17) ساڵە حکومەتى هەرێم و نوێنەرانى کورد لە بەغدا نەیانتوانیوە کێشەى ناوچە دابڕێنراوەکان چارەسەر بکەن
31/05/2023
رێکخەرى ژورى
یاسایی بزوتنەوەى گۆڕان رایدەگەیەنێت؛ ماوەى (17)
ساڵە حکومەتى هەرێم و نوێنەرانى کورد لە بەغدا نەیانتوانیوە کێشەى ناوچە
دابڕێنراوەکان چارەسەر بکەن و زەوى و مافى داگیرکراوى کوردى ئەو ناوچانە
بگەڕێننەوە.
چۆمان محەمەد،
رێکخەرى ژورى یاساى بزوتنەوەى گۆڕان، لەو دیدارەى بە سەرپەرشتى دەستەى ناوچە کوردستانییەکانى
دەرەوەى ئیدارەى هەرێم بۆ لیژنەى یاسایی و یاسایی پارتە سیاسییەکان رێکخراوە،
ئاماژەى بەوەکرد؛ لەرابردودا رژێمى بەعس هاوشێوەى تاوانى ئەنفال و کیمیاباران، بە
کۆمەڵێک رێکارى زنجیرەیی دەستى بردوە بۆ گۆڕینى ناوچە کوردستانییەکانى دەرەوەى
ئیدارەى هەرێم و داگیرکارى زەوى کشتوکاڵى جوتیارانى کورد لەوناوچانە وەک
هەنگاوى
دژایەتى کورد، ئێستا ئەم دیدارە هەوڵێکە بۆئەوەى هەرێم چۆن لە روى یاساییەوە مامەڵە
بکات و هەنگاوى یاسایی بنێت بۆ وەرگرتنەوەى ئەو مافانە.
ئەندامەکەى
جڤاتى نیشتیمانى دەسشڵێت: هەرچەندە ئەم هەوڵ و هەنگاوانە پێویستن، بەڵام زۆر درەنگ
کەوتوین حکومەتى هەرێم و دەسەڵاتداران و نوێنەران لە بەغدا خەمساردى زۆریان هەبوە
کە ماوەى (17) ساڵە حکومەتى هەرێم و نوێنەرانى
کورد لە بەغدا نەیانتوانیوە کێشەى ناوچە دابڕێنراوەکان چارەسەر بکەن مافى داگیرکراوى کوردى
ئەو ناوچانە و خاوەن زەوییە راستەقینەکان بگەڕێننەوە.