خورماتو؛ شاندێکی یەکێتی نیشتمانی کوردستان سەردانى مەکۆى بزوتنەوەى گۆڕان دەکەن
21/04/2024
باژێروانى
خورماتوى بزوتنەوەى گۆڕان جەخت لە پێویستى بەدەمەوەچون و پشتگیرى داخوازییەکانى هاوڵاتییان
و یەکڕیزى لایەنە سیاسییەکان لە پرسە نەتەوەیی و نیشتمانییەکاندا دەکات.
ئەمڕۆ یەکشەممە
(٢٠٢٤/٤/٢١) شاندێکی یەکێتی نیشتمانی کوردستان بۆ پیرۆزبایی هەڵبژاردنى باژێروان و
دەستەى نوێى ئەنجومەنى قەزاى خورماتوو، سەردانى مەکۆى بزوتنەوەى گۆڕانیان کرد و لە
دیدارێکدا گفتوگۆ لەبارەى دۆخى سیاسى و ژیان و گوزەرانى خەڵک کرا.
لای خۆیەوە
شاڵاو داودى، باژێروانى بزوتنەوەى گۆڕان جەختى لە درێژەدان بە کارکردن لەسەر بەرنامەى
سیاسى بزوتنەوەى گۆڕان و پشتیوانى داخوازییەکانى خەڵک کردەوە و رونى کردەوە کە
بزوتنەوەى گۆڕان پێداگرە لە پێویستى یەکڕیزى و یەکگوتارى لایەنە سیاسییە کوردییەکان
لە پرسە نەتەوەیی و نیشتمانییەکاندا.