مەکۆى خورماتوو؛ ئەرکە رێکخراوەییەکان و پڕۆسەى ئاشتەوایی و کۆنفڕانسى نیشتیمانى تاوتوێ کرا
08/02/2023
لە
کۆبونەوەیەکدا لە مەکۆى خورماتو،
ئەرکە رێکخراوەییەکانى بزوتنەوەى گۆڕان لە سنورى ئەنجومەنى قەزاى خورماتو و
هەنگاوەکانى خۆڕێکخستنەوە و پرسى ئاشتەوایی و بەستنى کۆنفڕانسى نیشتیمانى تاوتوێ کرا.
بە ئامادەبونی سەرپەرشتیارى
ژووری پەیجوری، لە مەکۆى خورماتووى بزوتنەوەى گۆڕان کۆبونەوەیەک بۆ تاوتوێکردنى
دواین پێشهاتەکانى دۆخى سیاسى و ناوخۆیی و ئەرکە رێکخراوەییەکانى بزوتنەوەى گۆڕان
لە سنورى ئەنجومەنى قەزاکە و پڕۆسەى ئاشتەوایی بەڕێوەچو.
لەکۆبوونەوەکەدا دواین هەوڵ و
هەنگاوەکانى بەستنی دوەم کۆنفرانسی نیشتمانی بزوتنەوەى گۆڕان و پڕۆژەى ئاشتەوایی و
هەنگاوەکانى خۆڕێکخستنەوە و ئامادەکارى بۆ قۆناغی داهاتو گفتوگۆى لەبارەوە کرا،
هاوکات ئەندامانى ئەنجومەنى قەزاى خورماتوو پێشنیار و سەرنجەکانیان خۆیان خستەڕو
بۆ باشتر بەڕێوەچونى هەوڵ و هەنگاوەکان.