باژێروانی بادینانی بزوتنه‌وه‌ی گۆڕان: نه‌بونی نوێنه‌رایه‌تی راسته‌قینه بوە هۆى بڕینى بودجه‌ و موچه‌ی هاوڵاتان لەلایەن بەغداوە

باژێروانی بادینانی بزوتنه‌وه‌ی گۆڕان رایده‌گه‌یه‌نێت: به‌شێكی زۆری ئه‌و كێشانه‌ی له‌نێوان حكومه‌تی هه‌رێم و به‌غدا دروستبون به‌هۆی ئه‌وه‌وه‌ بوه‌ كه‌ نوێنه‌رایه‌تی راسته‌قینه‌ی هاوڵاتیانی هه‌رێم له‌به‌غدا نه‌بوه‌، ئه‌نجامه‌كه‌شی به‌ بڕینی بودجه‌ و موچه‌ی هاوڵاتیان و له‌ده‌ستدانی له‌ سه‌دا (51%)‌ـی خاكی كوردستان شكاوه‌ته‌وه‌.

موئه‌یه‌د ئه‌حمه‌د، باژێروانی بادینانی بزوتنه‌وه‌ی گۆڕان، رایگه‌یاند: بزوتنه‌وه‌ی گۆڕان و یه‌كێتی نیشتیمانی كوردستان، بەپێویستیان زانیوە لەم قۆناغەدا بۆ و بەغدا هاوپه‌یمانیی كوردستان پیکبهێنن لەپێناو خزمەتى خەڵکى کوردستان و بەدى هێنانى مافە دەستورییەکان، چونكه‌ بەیەکەوە به‌هێزترین و هه‌مو هه‌وڵێكیش ده‌ده‌ین كانددیه‌كانی هاوپه‌یمانی كوردستان متمانه‌ی زۆرترین خه‌ڵكی كوردستان به‌ده‌ستبهێنن.

وتیشی: به‌شێكی زۆری ئه‌و كێشانه‌ی له‌نێوان حكومه‌تی هه‌رێم و به‌غدا دروستبون به‌هۆی ئه‌وه‌وه‌ بوه‌ كه‌ نوێنه‌رایه‌تی راسته‌قینه‌ی هاوڵاتیانی هه‌رێم له‌به‌غدا نه‌بوه‌ و په‌یوه‌ندییه‌كانی هه‌ولێر و به‌غدا له‌سه‌ر بنه‌مای به‌رژه‌وه‌ندییه‌ نیشتیمانییه‌كان بنیاد نه‌نراوه‌، به‌ڵكو حزبییانە و به‌پێی ویست و به‌رژه‌وه‌ندی خۆیان گفتوگۆ و رێككه‌وتنیان له‌گه‌ڵ به‌غدا كردوه‌ یان دژایەتیان کردوە، ئه‌نجامه‌كه‌شی به‌ بڕینی بودجه‌ و موچه‌ی هاوڵاتیان و له‌ده‌ستدانی له‌ سه‌دا (51%)‌ـی خاكی كوردستان شكاوه‌ته‌وه‌.