ژوری سەرچاوە مرۆییەکانی بزوتنەوەی گۆڕان لەگەڵ فیدراسیۆنی رێکخراوەکانی کۆمەڵگای مەدەنی کۆدەبێتەوە

ژوری سەرچاوە مرۆییەکانی بزوتنەوەی گۆڕان لەگەڵ فیدراسیۆنی رێکخراوەکانی کۆمەڵگای مەدەنی کۆدەبێتەوە و پشتیوانی بزوتنەوەکە بۆ رێکخراوە مەدەنیەکان دوپات دەکاتەوە.

لەو کۆبونەوەیەدا، کە لەئۆفیسى فیدراسیۆنی رێکخراوەکانی کۆمەڵگای مەدەنی بەڕێوەچو، دیدار عەبدولکەریم، سەرپەرشتیارى ژوری سەرچاوە مرۆییەکان جەختى کردەوە کە بزوتنەوەى گۆڕان پاڵپشت و پشتیوانی تەواوی رێکخراوەکانى کۆمەڵگاى مەدەنى دەکەن.

هەروەک ئەوەى خستەڕو؛ لە پێناو فشار دروستکردن بۆ دەرکردنی هەر پڕۆژە یاسایەک کە لەپەرلەمانی کوردستانەوە دەربچێت و لە سودی گشتی کۆمەڵانی خەڵکیدا بێت پاڵپشت و داکۆکیکارى رێکخراوەکانن و دەشڵێت: "بزوتنەوەی گۆڕان هێزى شەقام و هەڵقوڵاو و دەرهاویشتەی هەناوی کۆمەڵگای مەدەنییە، هەر لەو لەو پێناوەشدا درێژە بە خەبات دەدات و پاڵپشت و داکۆکیکارى داواکانى شەقام و پڕۆژەکانى رێکخراوەکانە بۆ ئایندەیەکى باشتر بۆ کۆمەڵگا".