ئەنجومەنی قەزای رانیە بانگەواز و پڕۆسەی ئاشتەوایی گۆڕان تاوتوێ دەکات
27/02/2023
ئەنجومەنى قەزاى
رانیەى بزوتنەوەى گۆڕان گفتوگۆ لەبارەى چۆنیەتى سەرخستنى پڕۆسەى ئاشتەوایی و کارى
پێکەوەیی و بەهێزکردنەوەى بزوتنەوەکە دەکات.
ئەمڕۆ دوشەممە
(2023/2/27)، بەسەرپەرشتی رەسوڵ مستەفا باژێروانى مەکۆی رانیە و ئامادەبونى
سەرپەرشتیارى ژورى پەیجورى، کۆبونەوەی ئەنجومەنی قەزا بۆ تاوتوێکردنی هەنگاوە
کردارییەکانی جێبەجێکردنى بانگەوازەکەى بزوتنەوەى گۆڕان و پڕۆسەى ئاشتەوایی و خۆ رێکخستنەوە
بەڕێوەچو.
لەکۆبونەوەکەدا
کۆتا ئامادەکاریەکانی دوەمین کۆنفرانسی نیشتیمانی و راسپاردەى جڤاتى نیشتیمانى و دیاریکردنی
ئەرکە رێکخراوەیەکان بۆ قۆناغی نوێ و دەستپێكردنی دیدار و بەسەركردنەوەی گۆڕانخوازان
لە سنورەکە گفتوگۆیان لەبارەوە کرا.
ئەندامانی ئەنجومەنى
قەزاى رانیە سەرنج و تێبینییەکان خستەڕو، هاوکات ئامادەییان دەربڕی بۆهەر ئەرک و بەپرسیاریەتیەک
لە ئەستۆیان بێت بۆ کارى پێکەوەیی و بەهێزکردنەوەى گۆڕان.