ڕاگه‌هانـدنـه‌ك ل مه‌كۆیـێ بادینــان یێ بــزاڤـا گـۆڕان

ل 32 سالیا بیره‌وه‌ریا سه‌رهلدانا پیروزا دهوكێ پیروزباهیێن خو ئاراسته‌ى هه‌موو كوردستانیان و هاوه‌لاتیێن پارێزگه‌ها دهوكا خوراگر دكه‌ین....
ل ڤێ بیره‌وه‌ریێ سه‌رێ رێزێ ل هه‌مبــه‌ر ته‌ڤـایا شــه‌هیـدێن سه‌رهلدانێ و شه‌هیدێن رێ یا ئازادی و رێزگاریا كوردسـتانێ د چــه‌مینین.
به‌رى 32 سالان و ل روژه‌كا وه‌ك ئه‌ڤرو ل بوهارا سالا 1991 ێ پێلێن سه‌رهلدانا پیروز گه‌هشتنه‌ دهوكا داسنیا و خه‌لكێ دهوكا چاف نه‌ترس ب هه‌مى ته‌خ وچینێن خوڤه‌ به‌شداری كر د ڤێ سه‌رهلدانێدا و ده‌ست ب ژناڤبرن و رامالینا مه‌تــرسیدارترین رژێمــدا كر ئه‌وژى رژێمـا به‌عـس یا زوردار و دكتاتــور بــو, و سه‌رجه‌م دام و ده‌زگه‌هێن ئه‌منى وسه‌ربازى یێ وێ ده‌ستهه‌لاتێ كنترول كرن د ده‌مه‌كی هه‌مى هیڤی و ئومێدێن ڤى جه‌ماوه‌ری ئه‌وبوون كو ده‌ستهه‌لاته‌كا كوردی ئاڤاببیت و دوماهی ب زولم و زورداریێ بێت و ئازادى و دادپه‌روه‌رى به‌رقه‌رار بیت.
هه‌ر وه‌ك دیار خه‌لكێ دهوكێیه‌ خودانێن راسته‌قینه‌یێن سه‌رهلدانا ڤى باژێری. لــێ جهێ داخێ یه‌ پشتى بورینا 32 سالان بسه‌ر سه‌رهلدانێ و هه‌بونا ده‌ستهه‌لاته‌كا كوردى ئـه‌گه‌ر بــه‌راوردیه‌كێ بكه‌ین ئـه‌و ئارمانجـێن كو ڤـی  جه‌مـاوه‌ری راپه‌رین ژ پێخه‌مه‌ت ئه‌نجامداى نه‌ بتنێ ب ده‌ستڤه‌ نه‌هاتینه‌ به‌لكو به‌روڤاژى جوداهیه‌كا مه‌زن ناهێته‌ دیتن ناڤبه‌را رژێما به‌عسا گور بگور و ده‌ستهه‌لاتا كوردى یا زوردار و گه‌نده‌ڵ و ماف خور.  به‌داخه‌وه‌ هیڤی و ئومێدێن ڤى خه‌لكى بجه نه‌هاتن, و ئه‌و ده‌ستهه‌لاتداریا خه‌لكى خه‌ون پێڤه‌ دیتین وخوزى بو رادهێلان و سه‌رهلدان بو كرى ژ دایك نه‌بو.
لژێر سیبه‌را ڤێ ده‌ستهه‌لاتا كوردى خه‌ونێن خه‌لكى ل هه‌مى رویه‌كیڤه‌ هاتنه‌ ژناڤبرن و خه‌لك د ئازارێن جودادا د نالیت ژ ئه‌گه‌رێ سیسته‌مێ حكومرانییه‌ته‌كا سه‌قه‌ت و زوڵم وزورداریێ و زێده‌بونا گه‌ندلیێ ونه‌بونا دادى و ئازادیێ, و هه‌ر وه‌ك یا دیار  ره‌وشا ڤى خه‌لكى روژ بو روژ به‌ره‌ف خرابتر دچیت.
  ئه‌و خه‌باتا ڤی ملله‌تى كرى و قوربانى بو دای بێ ئه‌نجام وبێ به‌رهه‌م بوون, و ئه‌ڤرو تاكێ كورد هزر د هه‌بونا خو ناكه‌ت وه‌ك كورد د ئاخا خودا ژێر سیبه‌را ڤێ حكومرانییه‌تێ. له‌ورا پێتڤییه‌ ل سه‌ر ڤێ ده‌ستهه‌لاتا كوردى پێداچونه‌كێ د سیسته‌مێ خو یێ سه‌قه‌تدا بكه‌ت و سه‌ربوره‌كێ ژ راپه‌رینا 1991 ێ وه‌رربگریت و نها خه‌لكێ هه‌رێما كوردستانێ هه‌ر وه‌ك به‌ری سه‌رهلدانێ بیر دكه‌ن چونكه‌ هه‌مان حاله‌ت و كاوداندا دژیت.
سه‌ره‌راى ڤێ چه‌ندێ , د نهادا ژى ئیراده‌كا جدى نینه‌ كو ئه‌ف ده‌ستهه‌لاته‌پێداچونێ د خودا بكه‌ت ژ بو قورتالكرنا ڤى خه‌لكى د ڤێ ره‌وشا ئه‌ڤرو تێدا دژین ژ زولم و زوردارى و قه‌یرانێن سیاسی و ئابورى....هتد , و نه‌بونا ڤێ ئیرادێ مه‌ترسیه‌ك هه‌ره‌ مـه‌زن هه‌یــه‌ ل ســه‌ر پاشــه‌روژا ڤـى ملله‌تـى.

بــزاڤـا گـۆڕان/ مـه‌كۆیـێ بادینــان
14 ئـــادارا 2023 ێ