دەستەى بازنە و بەڕێوەبەرى ئەنجومەنى قەزاى زاخۆى بزوتنەوەى گۆڕان هەڵبژێردران

ئەمڕۆ پێنجشەممە (٦ى٦ى٢٠٢٤)، لە ژێر بڕیار و راسپاردەکانى دوهەمین کۆنفرانسى نیشتمانى بزوتنەوەى گۆڕان و بڕیارى جڤاتى نیشتمانى، هەڵبژاردنى ناوخۆیی بۆ دەستەى بازنە و بەڕێوەبەرى ئەنجومەنى قەزاى زاخۆ بەڕێوەچو.

پڕۆسەکە لەژێر سەرپەرشتى و چاودێرى ژورى هەڵبژاردن و پەیجورى و یاسایی بەڕێوەچو، لەو بارەیەوە یاسین حەمەعەلى سەرپەرشتیارى ژورى هەڵبژاردنى بزوتنەوەى گۆڕان رایگەیاند؛ ئەنجامدانى هەڵبژاردنەکە دو قۆناغ بو بەوپێیەى لەژێر راسپاردەکانى کۆنفرانسى نیشتمانى مەکۆى زاخۆ پێکهات و ئەمڕۆش هەڵبژاردن بۆ دەستەى بازنە و ئەنجومەنى قەزاکە و باژێروان کرا.

هەڵبژاردنەکە لە چوارچێوە پرۆسەى هەڵبژاردنە ناوخۆییەکان و هەنگاوەکانى رێکخستنەوە و نوێکردنەوەى ئۆرگانەکانى بزوتنەوەى گۆڕاندایە لە ئەنجومەنى قەزاکانەوە بۆ جڤاتى نیشتمانى و خانەى راپەڕاندن و پێشتریش دەستەى بەڕێوەبەرى نوێى هەریەکە لە ئەنجومەنى قەزاکانى (سلێمانى، رواندوز، دوکان ، شارەزور، شارباژێر، ماوەت، چۆمان، پێنجوێن، سەیدسادق، هەڵەبجە، شەقڵاوە و سۆران، کەلار، کفرى، کۆیە و دەشتى هەولێر، کەرکوک، دەربەندیخان، چەمچەماڵ، مەخمور و دوزخورماتو) هەڵبژێردراون.
بڕیاریشە هەڵبژاردنى ناوخۆیی لە تەواوى ئەنجومەنى قەزاکان و ئۆرگانەکانى رەوەندى کوردى بزوتنەوەى گۆڕان بەڕێوەبچن بە ئامانجى نوێبونەوە و ئامادەکارى بۆ قۆناغى نوێ و روبەڕوبونەوەى ئاڵنگارییەکان.