باژێروانى کۆیە: پشتیوانى هەر داواکارییەکین کە لە خزمەت خەڵک و دابینکردنى پێداویستیەکانیاندا بێت

باژێروانى کۆیەى بزوتنەوەى گۆڕان پاڵپشتى بۆ داواکارى نوێنەرانى دانیشتوانى دۆڵى سماقوڵى و گوندى عەوداڵان دوپات دەکاتەوە و رایدەگەیەنێت؛ داواکاریی پێداویستیەکانیان دەگەیەننە تیمى حکومى بزوتنەوەى گۆڕان پشتیوانى هەر داواکارییەکین کە لە خزمەت خەڵک و دابینکردنى پێداویستیەکانیاندا بێت.

نوێنەرانی دۆڵی سماقولی سەردانی مەکۆى کۆیەى بزوتنەوەى گۆڕان دەکەن و لەگەڵ سوپاسکردنى مەکۆ و تیمى حکومى و میدیاى بزوتنەوەى گۆڕان بۆ بەدەمەوە هاتنى داواکارییەکانیان لە رابردودا، کۆمەڵێک پێویستى سنورەکەىیان خستەڕو لە چاکردنی رێگای دۆلی سماقولى چاکردنی گرفتى ڤۆلتیەی کارەبا و دروستکردنی پردێکی بچوک کە ئاستەنگى هاتوچۆ کەمدەکاتەوە، لاى خۆیەوە مامۆستابەکر قادر، باژێروانی مەکۆی کۆیە بە ئامادەبونى ئەندامانی دەستەى ئەنجومەنى قەزا و ژمارەیەک لە هەڵسوراوان پشتیوانى مەکۆى بۆ داواکارییەکان دوپاتکردەوە و رایگەیاند: بزوتنەوەى گۆڕان و تیمى حکومى و میدیاکەشى هەمیشە نوێنەرایەتى دەنگ و داواکارییەکانى خەڵکن و ئامادەن بۆ گەیاندن و پاڵپشتى داواکارییەکان.

هەروەک لە کۆبونەوەیدا لەگەڵ نوێنەرى دانیشتوانى گوندی عەوداڵان، باژێروانی مەکۆی کۆیە پشتیوانى داواکارییەکانی کردن و جەختى کردەوە کە لە بەرنامەى بزوتنەوەى گۆڕاندا هاوڵاتیان و پێداویستیەکانیان سەنتەرن و ئەوانیش داکۆکیکار دەبن لێیان.