نوێنەری گۆڕان بەشداری لە كۆبوونەوەی کۆمیتەی کاری هاوبەشی کورد لە هۆڵەندا دەکات

‎لە شاری لاهای پایتەختی هۆڵەندا، لیژنەی هاوبەشی چالاکیی کورد بە بەشداری نوێنەرانی لایەنە سیاسییەکانی هەر چوار پارچەی کوردستان کۆبوونەوەیەکی فراوانی ئەنجامدا، تێیدا هەوراز جەمال ڕەفعەت هەڵوێست و پابەندبونی گۆڕانی بە پرسە نەتەوەیی و نیشتمانییەكان دوپات كردەوە و ڕایگەیاند: ئەوەی لە ئەستۆی گۆڕان بێت بەوپەڕی تواناوە ئەنجامی دەدات و داكۆكیكار و پشتیوان دەبێت لە دۆزی ڕەوای گەلی كورد.

لە كۆبوونەوەكەدا گرنگی یەکخستنی گوتاری سیاسی و میدیایی کورد لە ئەوروپا و ئامادەکاری بۆ سازدانی کۆنفرانسێکی نەتەوەیی گشتگیر و پێشهاتەكانی ناوچەكە و دۆخی تەواوی پارچەكانی كوردستان لەنێویاندا ڕۆژهەڵات تاوتوێ کرا.

نوێنەری لایەنە سیاسیەکان جەختیان لەسەر پاراستنی ئاسایشی نەتەوەیی و دوورکەوتنەوە لە ئەجێندای دەرەکی کردەوە.
هاوكات کۆبوونەوەکە بە چەند ڕاسپاردەیەک کۆتایی هات، لەوانە؛ بەهێزکردنی ڕۆڵی ڕاگەیاندن بۆ بەرەنگاربوونەوەی گوتاری ناتەبایی کورد و کورد، و بەردەوامبوونی کارەکانی ئەم کۆمیتەیە وەک چەترێکی هاوبەش بۆ خزمەتکردنی پرسی کورد لە هەموو پارچەکاندا.