سوید؛ گۆڕان جەخت لە کاری پێکەوەیی بۆ دۆزی کورد دەكاتەوە

لەسەر بانگهێشتی فەرمیی نوێنەرایەتی حکومەتی هەرێمی کوردستان و باڵیۆزخانەی عێراق لە وڵاتی سوید، وەفدێکی بزووتنەوەی گۆڕان بەشدارییان لە ڕێوڕەسمی جەژنی نەورۆز و سەری ساڵی کوردی کرد و تێیدا جەختیان لە گرنگیی هەماهەنگی و کاری پێکەوەیی کردەوە بە ئامانجی خزمەتکردن بە دۆزی ڕەوای گەلی کورد لە ناوەندە نێودەوڵەتیەكاندا.

لەو ڕێوڕەسمەدا کە ژمارەیەک لە نوێنەرانی لایەنە سیاسییەکانی کوردستان و وڵاتی سوید و نوێنەری ڕێکخراوەکان ئامادەی بوون، هەریەك لە ژینۆ مەحمود، ئەندامی ژووری ڕەوەندی کوردی و کۆراز بابان، بەرپرسی بازنەی ستۆکهۆڵم نوێنەرایەتی بزوتنەوەی گۆڕانیان كرد.
لە پەراوێزی بۆنەكەدا شاندی بزوتنەوەی گۆڕان زنجیرەیەک دیداریان لەگەڵ نوێنەرانی حکومەتی هەرێم، باڵیۆزخانەی عێراق و نوێنەری لایەنە سیاسییەکان و ڕێكخراوەكان ئەنجامدا و تێیدا جەختیان لە گرنگیی هەماهەنگی و کاری پێکەوەیی کردەوە بە ئامانجی خزمەتکردن بە دۆزی ڕەوای گەلی کورد و بەهێزکردنی پەیوەندییەکان لە تاراوگە.