موسڵ؛ شاندێكی پارتی سەردانی مەكۆی گۆڕان دەكات

ئەمڕۆ چوارشەممە (٢٠٢٦/٥/١٣)، شاندێکی پارتی دیموکراتی کوردستان بە سەرۆکایەتیی عیسمەت ڕەجەب، ئەندامی کۆمیتەی ناوەندی و جێگری بەرپرسی مەکتەبی ڕێکخستنی نەینەوای پارتی دیموکراتی کوردستان سەردانی مەكۆی موسڵی بزوتنەوەی گۆڕانیان كرد و لەلایەن ڕزوان شێخانی، سەرپەرشتیاری مەکۆی موسڵی بزووتنەوەی گۆڕان و هەڵسوڕاوانی مەكۆوە پێشوازییان لێکرا.

لە دیدارێكدا شاندی میوان، پیرۆزبایی سەركەوتنی كۆنفرانس و هەڵبژاردنی سەركردایەتی نوێی گۆڕانیان كرد، هاوكات گفتوگۆكرا لەبارەی هەماهەنگی زیاتر لەسەر ئاستی پارێزگای موسڵ و دەشتی نەینەوا بە ئاڕاستەی داكۆكی لە مافی تەواوی پێكهاتەكان لە سنوورەكە بە گشتی و كورد بە تایبەتی.

هاوكات گفتوگۆ كرا لەبارەی دۆخی سیاسی و پێشهاتە نوێیەكان و گرنگی یەكهەڵوێستی لایەنە كوردستانیەكان لە پرسە نەتەووەیی و نیشتمانیەكان.