وەفدێكی هاوپەیمانی نیشتمانی سەردانی بزوتنەوەی گۆڕانی كرد

بۆ گفتوگۆكردن لەسەر پەیوەندیەكانی نێوانیان ‌و دۆخی سیاسی هەرێمی كوردستان ‌و عێراق، وەفدێكی هاوپەیمانی نیشتمانی، سەردانی بزوتنەوەی گۆڕانی كرد.

بە سەرۆكایەتی ئارام قادر سەرۆكی هاوپەیمانی نیشتمانی ‌و ژمارەیەك لە  ئەندامانی ئەنجومەنی بەڕێوەبردن، وەفدێكی هاوپەیمانی نیشتمانی، سەردانی  بزوتنەوەی گۆڕانی كرد و لەلایەن عومەر سەید عەلی رێكخەری گشتی بزوتنەوەی  گۆڕان ‌و ژمارەیەك لە ئەندامانی خانەی راپەڕاندن ‌و ژوری پەیوەندیە  سیاسیەكان ‌و پەیوەندیە دبلۆماسیەكانەوە، پێشوازیان لێ كرا‌و  لەكۆبونەوەیەكدا، گفتوگۆ كرا لەسەر پەیوەندیی سیاسی نێوانیان‌ و دۆخی سیاسی عێراق ‌و هەرێمی كوردستان ئەو پێشهاتە سیاسییانەی ئێستا هاتونەتە ئاراوە.

دواتر وەفدەكەی هاوپەیمانی نیشتیمانی، سەردانی ئارامگەی رەوانشاد نەوشیروان مستەفایان كرد.