کۆبونەوەی خانەی راپەڕاندن و هەڵسوڕاوانی گۆڕان لە هەولێر دەستیپێکرد

28/09/2019

وەک بڕیاربو، دوانیوەڕۆی ئەمڕۆ شەممە، کۆبونەوەی رێکخەری گشتی و ئەندامانی خانەی راپەڕاندن لەگەڵ هەڵسوڕاوان و لایەنگرانی بزوتنەوەی گۆڕان لە هۆڵی میدیای شاری هەولێر دەستی پێکرد.

کۆبونەوەکە بۆ گەیاندنی پەیامی نوێی بزوتنەوەی گۆڕان و خانەی راپەڕاندنە بە هەڵسوڕاوانی سنوری پارێزگای هەولێر.

تەوەرێکی دیکەی کۆبونەوەکە گفتوگۆکردنە لەسەر کارنامە و پلانی داهاتوی بزوتنەوەکە و خانەی راپەڕاندن و هەروەها ناساندنی ئەرک و کارەکانی خانەی راپەڕاندن بە هەڵسوڕاوانی گۆڕان.

بڕیارە رێکخەری گشتی و ئەندامانی خانەی راپەڕاندن سەردانی سەرجەم ناوچەکانی کوردستان بکەن بە مەبەستی گفتوگۆکردن لەگەڵ هەڵسوڕاوانی بزوتنەوەکە و دواتریش کۆبونەوەی دیکە لەگەڵ مەکۆ و رایەڵەکان و ئەو هەڵسوڕاوانە دەکەن کە سەرنج و رەخنە و تێبینییان هەیە لەسەر ئەو پرسانەی پەیوەستن بە بزوتنەوەی گۆڕانەوە.

لەماوەی رابردوشدا رێکخەری گشتی بزوتنەوەی گۆڕان و ئەندامانی خانەی راپەڕاندن لەگەڵ هەڵسوڕاوانی بزوتنەوەکە لە سلێمانی و دهۆک کۆبونەوە.  هەولێر/ بڕیار نامیق


هەواڵی زیاتر