رێکخەری گشتی و خانەى راپەڕاندن لەگەڵ هەڵسوڕاوانی چەمچەماڵ کۆدەبنەوە
08/10/2019
رێکخەرى گشتى بزوتنەوەى گۆڕان و ئەندامانى خانەى راپەڕاندن سەردانى چەمچەماڵ دەکەن و لەگەڵ هەڵسوڕاوان و گۆڕانخوازانى سنورى قەزاکە کۆدەبنەوە.
بڕیارە سەعات (3:00)ى دوانیوەڕۆی سبەینێ چوارشەممە، رێکخەرى گشتى بزوتنەوەى گۆڕان و ئەندامانى خانەى راپەڕاندن لە هۆڵى کۆبونەوەکانى مەکۆى چەمچەماڵ، لەگەڵ هەڵسوڕاوان و گۆڕانخوازانى سنورى قەزاکە کۆببنەوە.
کۆبونەوەکە تایبەت دەبێت بە خستنەڕوى بەرنامە و کارى سەرکردایەتى نوێى بزوتنەوەى گۆڕان بە تایبەت پرسى هەڵبژاردنە ناوخۆییەکانى بزوتنەوەى گۆڕان و بەستنى دوەمین کۆنفرانسى نیشتیمانى بزوتنەوەکە.