عه‌دنان عوسمان: هه‌وڵی‌ ته‌واوی‌ ئاشتكردنه‌وه‌ی‌ هه‌مو هاوڕێیانمان ده‌ده‌ین له‌ هه‌ركوێیه‌ك بن

سكرتێری‌ جڤاتی‌ نیشتیمانی‌ بزوتنه‌وه‌ی‌ گۆڕان له‌ مه‌كۆی‌ سه‌ره‌كی‌ بزوتنه‌وه‌ی‌ گۆڕان له‌گه‌ڵ ده‌سته‌ی‌ نوێی‌ ئه‌نجومه‌نی‌ مه‌كۆی‌ كه‌لار كۆبوه‌وه‌، له‌ كۆبونه‌وه‌كه‌دا چه‌ند برسێك گفتوگۆیان له‌باره‌وه‌ كرا و وێڕای‌ پیرۆزبایی‌ پلانكاری‌ ئاینده‌ی‌ ئه‌نجومه‌نی‌ مه‌كۆی‌ قه‌زای‌ كه‌لار داڕێژرا.
عه‌دنان عوسمان له‌ كۆبونه‌وه‌كه‌دا باسی‌ پلانكاری‌ خانه‌ی‌ ڕاپه‌ڕندن و بزوتنه‌وه‌ی‌ گۆڕانی‌ كرد بۆداهاتوو وتی‌: له‌به‌رنامه‌و پلانكارماندایه‌ هه‌مو هاوڕێیان و دۆستانمان به‌سه‌ر بكه‌ینه‌وه‌ به‌شێوه‌یه‌ك كه‌ هیچ كه‌سێكی‌ لێ به‌ده‌رنه‌كه‌ین و هه‌مو ئه‌و هاوڕێیانه‌ی‌ كه‌ به‌هه‌رشێوه‌یه‌ك لێمان زویربون یان ناڕه‌زایه‌تیه‌كیان هه‌یه‌ ده‌چینه‌لایان و ئاشتیان ده‌كه‌ینه‌وه‌. 
ده‌سته‌ی‌ نوێی‌ ئه‌نجومه‌نی‌ مه‌كۆی‌ كه‌لار ئاماده‌ی‌ ته‌واویان ده‌ربڕی‌ بۆ جیبه‌جێكردنی‌ به‌رنامه‌ی‌ بزوتنه‌وه‌ی‌ گۆڕان و خزمه‌تكردنی‌ سه‌رجه‌م هه‌ڵسوراوان و دڵسۆزانی‌ بزوتنه‌وه‌ی‌ گۆڕان.