حیزبی شیوعی پیرۆزبایی لە ڕێکخەری گشتی و جڤاتی نشتیمانی بزووتنەوەی گۆڕان دەکات
18/02/2026
D هەواڵ و چالاکی
بەبۆنەی
کۆتایی هاتنی کۆنفرانسی بزووتنەوەی گۆڕان و هەڵبژاردنی ڕێکخەری گشتی و ئەندامانی
جڤاتی نشتیمانی، مەکتەبی سیاسی حزبی شیوعی کوردستان پەیامێکی پیرۆزبایی ئاڕاستەی
دانا ئەحمەد مەجید و بزوتنەوەكە دەكات و دەڵێت: بزوتنەوەی گۆڕان کاریگەری لە گۆڕانکاریە
سیاسیەکان دیاربووە، لەم قۆناغەدا ڕۆڵی بزووتنەوەی گۆڕان لە پێناوی بەدیهێنانی
یەکڕیزی نێو ماڵی کوردستانیدا بە بایەخەوە دەبینین.
پەیامەکە:
بەڕێز دانا ئەحمەد مەجید ڕێکخەری گشتی بزووتنەوەی گۆڕان
بەڕێزان: ئەندامانی جڤاتی نشتیمانی بزووتنەوەی گۆڕان
بەبۆنەی هەڵبژاردنی بەڕێزتان بە ڕێکخەری گشتی و هەڵبژاردنی ئەندامانی
جڤاتی نشتیمانی، بەناوی مەکتەبی سیاسی حزبی شیوعی کوردستانەوه، گەرمترین
پیرۆزباییتان ئاراستە دەکەین.
بزووتنەوەی گۆڕان کاریگەری لە گۆڕانکاریە سیاسیەکان دیاربووە، لەم
قۆناغەدا ڕۆڵی بزووتنەوەی گۆڕان لە پێناوی بەدیهێنانی یەکڕیزی نێو ماڵی
کوردستانیدا بە بایەخەوە دەبینین، دڵنیان بە هەماهەنگی زیاتری نێوان لایەنەکان
دەتوانین پاراستنی قەوارەی هەرێم و ژیانێکی شایستە بۆ کۆمەڵانی خەڵکی کوردستان
مسۆگەر بکەین، هەر لەو پێناوەدا جەخت لە پەیوەندی نێوان حزبمان و بزووتنەوەی گۆڕان
دەکەینەوە>
لە گەڵ ڕێزماندا
مەکتەبی
سیاسی
حزبی شیوعی کوردستان