ئه‌نجومه‌نی‌ قه‌زای‌ هه‌ڵه‌بجه‌ پیرۆزبایی‌ جەژنی (سێ شەوەی یاران) له‌ كاكه‌ییه‌كان ده‌كات

به‌بۆنه‌ی‌ جەژنی (سێ شەوەی یاران)ه‌وه‌ ئه‌نجومه‌نی‌ قه‌زای‌ هه‌ڵه‌بجه‌ی‌ بزوتنه‌وه‌ی‌ گۆڕان، پیرۆزبایی‌ ئاراسته‌ی‌ كاكه‌ییه‌كانی‌ هه‌رێمی‌ كوردستان ده‌كات.

له‌ په‌یامی‌ پیرۆزباییه‌كه‌دا هاتوه‌: جەژنی سێ شەوە لەهەمو خوشک و برایانی کاکەیی لە تەواوی کوردستان و کاکەییه‌کانی پارێزگای هەڵەبجە پیرۆز دەکەین. هیوادارین ئه‌م جەژنه‌ مایه‌ی‌ خێرو خۆشی‌ بێت بۆ هەمولایەک و کۆتایی نەهامەتییەکان بێنێت، ئارامی و خۆشگوزەرانی بگەڕێتەوە بۆ وڵاتەکەمان بەگشتی و پارێزگای هەڵەبجە بەتایبەتی.

هه‌ر له‌ په‌یامه‌كه‌دا ئه‌نجومه‌نی‌ قه‌زای‌ هه‌ڵه‌بجه‌ی‌ بزوتنه‌وه‌ی‌ گۆڕان رایده‌گه‌یه‌نیت: هیوادارین ئه‌م جه‌ژنه‌ ببێتە مایەی پێکەوە ژیانی پێکهاتەکان بەشێوە ئاشتی و برایەتی زیاتر.