ناوەڕۆکی کۆبونەوەکەی نێوان بزوتنەوەی گۆڕان و یەکێتی نیشتیمانی کوردستان

وەفدێکی باڵای یەکێتی نیشتمانی کوردستان سەردانى سەردانی بزوتنەوەی گۆڕان دەکات و لە کۆبونەوەیەکدا چەند پرسێکى ناوخۆی هەرێم و عێراق تاوتوێ دەکەن.

دواى نیوەڕۆى ئەمڕۆ یەکشەممە (2023/6/25)، وەفدێکی باڵای یەکێتیی نیشتمانیی کوردستان بە سەرۆکایەتی بافڵ تاڵەبانی سەرۆکى یەکێتى، سەردانی مەکۆی سەرەکی بزوتنەوەی گۆڕانیان کرد و لەلایەن جەمال حاجی محمەمەد و مستەفا سەید قادر و بەختیار ئەولی پێشوازییان لێکرا.

سەبارەت بە ئامانجی سەردانەکە، بەختیار ئەولی رێکخەری ژوری پەیوەندییە سیاسیەکانی بزوتنەوەی گۆران رایگەیاند: کۆبونەوەکە بۆ پتەوکردنی پەیوەندیەکانی نێوان هەردولا و تاوتوێکردنی دۆخی سیاسی ئێستای هەرێمی کوردستان و عیراق و چەند پرسێکی دیکە بو.

ئاماژەی بەوەشکرد؛ لە کۆبونەوەکەدا، باس لە باشکردنی دۆخی موچەخۆران و فەرمانبەرانی هەرێم کرا و پرسی ئەنجامدانی هەڵبژاردنەکان و شێوازى بەشدارى کورد بۆ هەڵبژاردنەکانی ئەنجومەنى پارێزگاکانى عێراق لە ناوچە کوردستانییەکانی دەرەوەی ئیدارەی هەرێم گفتوگۆى لەبارەوە کرا.