بزووتنەوەی چاکسازیی نیشتمانیی کوردستان سەردانی گۆڕان دەكات

وەفدێكی بزووتنەوەی چاکسازیی نیشتمانیی کوردستان بە سەرۆكایەتی بێرون عومەر سەردانی مەكۆی سەرەكی بزوتنەوەی گۆڕانیان كرد لە سلێمانی و لەلایەن دانا ئەحمەد مەجید، ژمارەیەك لە ئەندامانی ئەنجومەنی سیاسی و جفاتی نیشتمانی بزوتنەوەی گۆڕانەوە پێشوازیان لێكرا.

وەفدی میوان پیرۆزبایی یەكەم بەشداری سیاسی بزووتنەوەی گۆڕانیان كرد و هیوای سەركەوتن و كاری پێكەوەییان خواست، هاوكات دۆخی سیاسی هەرێمی كوردستان و عێراق و ناوچەكە و ئاڵنگاری و پێشهاتە نوێیەكان گفتوگۆكرا.

لە كۆبونەوەكەدا جەخت لە گرنگی یەكڕیزی و یەكگوتاری لە پرسە نەتەوەیی و نیشتمانییەكان كرا، پێویستی پاراستنی قەوارەی هەرێمی كوردستان و بەدەستهێنانی شایستە داراییەكانی خەڵك و باشكردنی گوزەرانی خەڵك و كەمكردنەوەی بارگرانییەكان لەسەر شانی هاوڵاتیان دوپاتكرایەوە.