ئەنجومەنی قەزای کفری بزوتنەوەی گۆڕان: واجبى حکومەتى هەرێمى کوردستانە کاربکات بۆ گەڕاندنەوەى تەواوى روفاتى قوربانیانى ئەنفال و فشارکردن بۆ قەرەبوکردنەوەى کەسوکاریان
13/04/2024
ئەنجومەنی
قەزای کفری بزوتنەوەی گۆڕان رایدەگەیەنێت؛ بەداخەوە لەدوای ڕاپەڕین و لە سایەى حکومەتی
هەرێمدا کە بەری رەنجی دەیان ساڵەی خەباتی میللەتەکەمان و کەسوکاری سەربەرزی
ئەنفالکراوەکانە، هێشتا کەسوکار و تاقانەکانی ئەنفال لە چاوەڕوانى روفاتی پیرۆزی
قوربانیان فرمێسکى حەسرەت دەڕێژن و دەشڵێت : واجبى حکومەتى هەرێمى کوردستانە کاربکات بۆ گەڕاندنەوەى
تەواوى روفاتى قوربانیانى ئەنفال و فشارکردن لە حکومەتى ئیتیحادى بۆ قەرەبوکردنەوەى
مادى و مەعنەوی کەسوکاریان
ڕاگەیندراوی
ئەنجومەنی قەزای کفری بزوتنەوەی گۆڕان لە سی و شەشەمین ساڵیادی تاوانی ئەنفال دا
کەسوکاری
سەربەرزی شەهیدانی تاوانی ئەنفال
گەرمیانیە
تێکۆشەرەکان
ئەمڕۆ
٢٠٢٤/٤/١٤ ساڵیادی یەکێک لە دڕندانەترین تاوان و جينۆسايدى مرۆڤایەتیە دەرهەق بە گەلەکەمان
کراوە لەلایەن رژێمی لەناوچووی بەعسەوە.
تاوانی مەرگەسات
و پلانى نەگریسى دوژمنان بۆ قڕکردنى گەلى کورد لەژێرناوى (ئەنفال) بەهەشت قۆناغ بەسەر
دانیشتووانی سڤیلی پیاو و ژن و منداڵى بێ تاوانى کوردستان ئەنجامدرا لە ساڵی
(١٩٨٨)، لەو مەینەتەدا گەرمیان وەک لانکەی شۆڕش و قوربانیدان و خەبات و فیداکاریی
زۆرترین زیانی گیانی و ماددی و خاپوور کردن و کاولکاری و ڕووخاندنی دێهات و ئاواییەکانی
بەسەرداهات.
ئەم قۆناغی
سێی وەیشووم و پڕ لەمەرگەساتەی ئەم دەڤەرەی ئێمە لە ناوچەکانی داوێ و زەنگەنە و
جاف و کفری و کەلار و دوزخوورماتوو لە (١٩٨٨/٤/٧) تا (١٩٨٨/٤/٢٠) بەردەوام بوو، کە
تێیدا لەژێر هەڕەشەى ئاگر و ئاسندا و بەزۆرەملێ هەزاران ژن و پیاو و مناڵ و پیرەمێرد
بەیەکجار و بەناهەق بەرەو وێستگەکانی مەرگ ڕەوانەکران و هەزاران ماڵ بە چاوساغی
جاش و خۆفرۆشان و هێزەبەعسیەکان سوتێنران و روخێندران.
ئەنفال
تراژیدیا و زامێکى هەمیشەیی میللەتی ئێمەیە و کەسوکارى قوربانیانیش دواى ساڵانێکى
زۆر لەو مەرگەساتەی بیابانەکانی ناوەڕاست وخوارووی عیراق تا ئێستاش لە گۆڕغەریبى
ئازیزانیان دەتلێنەوە .
بەداخەوە
لەدوای ڕاپەڕینى سەراسەرى و لە سایەى حکومەتی هەرێمدا کە بەری رەنجی دەیان ساڵەی خەباتی
میللەتەکەمان و کەسوکاری سەربەرزی ئەنفالکراوەکانە، هێشتا کەسوکار و تاقانەکانی ئەنفال
لە چاوەڕوانى روفاتی پیرۆزی قوربانیان فرمێسکى حەسرەت دەڕێژن.
واجبى
حکومەتى هەرێمى کوردستانە داکۆکى راستەقینە لە داوا رەواکانى کەسوکارى ئەنفالکراوان
بکات بە گەڕاندنەوەى روفاتى قوربانیان و فشارکردن لە حکومەتى ئیتیحادى بۆ قەرەبوکردنەوەى
مادى و مەعنەوییان و دەسەڵاتى دادوەرش بە سزاگەیاندنی جاش و خۆفرۆشەکان کەمێک لە
دادپەوەرى بگەڕێنێتەوە و سەبورییەک بە کەسوکارى ئەنفالکراوان بدات، هەروەها ئەم یادە
بکرێتە هەوێنی ئاشتکردنەوەی کەسوکاری ئەنفال کراوەکان و ئەم تاوانەى مرۆڤایەتی کە
دەرهەق بە گەلەکەمان کراوە لە ناوەندەکانی خوێندن و زانکۆکان بکرێنە پڕۆگرامەکانى
خوێندن و لێکۆڵینەوە زانستنیان لەبارەوە بکرێت بۆ زیندو هێشتنەوەیان و گەیاندنى بە
گەلانى دیکەى دنیا.
لەکۆتاییدا ..
سەری ڕێز
و نەوازش بۆ قوربانیانی ئەنفال، ژیانێکى شایستە و شەرەفمەندانە بۆ تاقانە و بەجێماوانی
ئەنفال و نەفرەت و سەرشۆڕی بۆ بکەر و
چاوساغانی ئەنفال دەخوازین
بزوتنەوەی
گۆڕان
ئەنجومەنى
قەزای کفری بزوتنەوەى گۆڕان
٢٠٢٤/٤/١٤