گۆڕان پیرۆزبایی ئاڕاستەی سەرۆك كۆماری نوێی عێراق دەكات دەكات

بزوتنەوەی گۆڕان پیرۆزبایی هەڵبژاردنی وەك سەرۆك كۆماری نوێی عێراق ئاڕاستەی  نزار محەمەد سەعید دەكات  و دەڵێت: ئەم بەرپرسیارێتیەی بەڕێزتان، لە قۆناغێکی هەستیاردایە، کە ناوچەکە و عێراق و هەرێمی کوردستان لەناو ئاڵۆزی و ناسەقامگیری و پێشهاتی نوێدایە، ئەم هەلومەرجە پێویستی بە دیدگایەکی نیشتمانی و هاوسەنگ هەیە.

دەقی پەیامەكە:

بەڕێز: نزار محەمەد سەعید (نزار ئامێدی)
سەرۆک کۆماری عێراقی فیدڕاڵ

بەبۆنەی هەڵبژاردنتان، وەک سەرۆک کۆماری عێراق، گەرمترین پیرۆزبایی لە بەڕێزتان و گەلی عێراق و کوردستان دەکەین.
ئەم بەرپرسیارێتیەی بەڕێزتان، لە قۆناغێکی هەستیاردایە، کە ناوچەکە و عێراق و هەرێمی کوردستان لەناو ئاڵۆزی و ناسەقامگیری و پێشهاتی نوێدایە، ئەم هەلومەرجە پێویستی بە دیدگایەکی نیشتمانی و هاوسەنگ هەیە، بۆ پاراستنی مافە دەستوورییەکانی گەلی کوردستان و بەهێزکردنی پێگەی کورد لە بەغدا لەلایەک و، لەلایەکی دیکە پاراستنی گیانی کاری پێکەوەیی لەنێوان پێکهاتەکانی عێراق و ڕەنگدانەوەی لە هەرێمی کوردستاندا.
دوبارە، پیرۆزبایی لە بەڕێزتان دەکەین و هیوای سەرکەوتنت بۆ دەخوازین.

بزوتنەوەی گۆڕان‎
١٢ی نیسانی ٢٠٢٦