دامەزراوەی ژنانی گۆڕان سەردانی مەكۆ و ژنانی هەڵەبجە دەكات

شاندێکی دامەزراوەی ژنانی بزووتنەوەی گۆڕان بەمەبەستی لە نزیكەوە گوێگرتن لە داخوازیەكانیان و گرنگیدان بە ڕۆڵی ژنان و لە نزیکەوە ئاگاداربوون لە ڕەوش و داواکارییەکانیان، سەردانی شاری هەڵەبجەیان کرد و لەلایەن ڕێبەند ئەحمەد، سەرپەرشتیاری مەکۆ و ژمارەیەك لە ئەندامانی ئەنجومەنی قەزای هەڵەبجەوه پێشوازییان لێکرا.

لە سەردانەکەدا، بە هەماهەنگی لەگەڵ مەکۆ بەرپرس و ژمارەیەك لە ئەندامانی دامەزراوەی ژنان، چەندین خێزانی سنوورەکە بەسەرکرانەوە و لە کەشێکی دۆستانەدا گفتوگۆ و ئاڵوگۆڕی بیروڕا لەگەڵ خانمان و ژناندا کرا دەربارەی گرفت و پێداویستییەکانیان.

هەریەك لە دامەزراوەی ژنان و مەکۆی هەڵەبجە جەختیان لە بەردەوامی هەماهەنگی و رۆڵی ژنان كردەوە لە دامەزراوە و ئۆرگانەكان و بەرنامەی سیاسی و پڕۆژەكانی بزوتنەوەکەدا.