دامەزراوەی پێشمەگە دێرینەكان و مەكۆی سلێمانی، هەماهەنگی بۆ رێكخستنەوە و بەهێزكردنەوە

دامەزراوەی پێشمەگە دێرینەكان و مەكۆی سلێمانی بزوتنەوەی گۆڕان جەخت لە كاری پێكەوەیی و هەماهەنگی بۆ رێكخستنەوە و بەهێزكردنەوەی دامەزراوەكان دەكەنەوە.

ئەمڕۆ یەكشەممە (١١ی١٠ی٢٠٢٦)، شاندێكی دامەزراوەی پێشمەرگە دێرینەكانی بزوتنەوەی گۆڕان بە سەرپەرشتی د. ئەنوەر رەشید و ژمارەیەك لە ئەندامانی دامەزراوەكە سەردانی مەكۆی سلێمانیان كرد و لەلایەن رەئوف ئەحمەد كاكی، باژێروانی سلێمانی و ئەندامانی جفاتی نیشتمانی پێشوازیان لێكرا.

لە كۆبونەوەیەكدا لە چوارچێوەی راسپاردەی كۆنفڕانس و كۆبونەوەكانی جڤاتی نیشتمانی و دەستوری نوێی ناوخۆیی، گفتوگۆ لەبارەی كاری پێكەوەیی و زیاتركردنی هەماهەنگی نێوان دامەزراوەكان كرا پەیوەست بە ئامادەكاریەكانی خۆڕێكخستنەوەی بزوتنەوەی گۆڕان بەتایبەت پەیوەندیكردن بەو پێشمەرگە و تێكۆشەرە دێرینانەی لە بزوتنەوەكەدا كاریان كردوە.

لە ئێستادا بزوتنەوەی گۆڕان سەرجەم ئاست و ئۆرگانەكان لەژیر راسپاردەی كۆنفڕانسی نیشتمانیدا و دوای كۆتایی هاتنی كۆنفرانسی تەواوكاری، سەرقاڵی خۆڕێكخستنەوە و هەنگاوی كرداریی و ئامادەكاریە بۆ قۆناغی نوێ بەشێوەیەك كە لە ئاست چاوەڕوانی گۆڕانخوازان و تەواوی هەڵسوڕاوان و خەڵكدا بێت.